शिक्षण विभाग जि.प.अकोला या विभागाकडे सर्व जिल्हातील प्राथमिक, माध्यमिक शाळांतील शिक्षकांचे प्रशासनाची जबाबदारी असून, त्याचप्रमाणे पर्यवेक्षण, नियंत्रण व मूल्यांकनाची जबाबदारीही पर्यवेक्षकीय यंत्रणेकडे आहे. जिल्हा परिषद शाळा आणि खाजगी प्राथमिक शाळा या विभागाअंतर्गत आहेत.
जिल्ह्यातील प्रत्येक गावामध्ये शिक्षणाची सोय उपलब्ध करून देणे हे शासनाचे धोरण असून, त्याकरिता शिक्षण विभाग वचनबद्ध आहे. ६ ते १४ वयोगटातील प्रत्येक मुलाला शाळेत दाखल करून घेण्यासाठी सर्व शिक्षकांनी अथक प्रयत्न करावेत, हे अभिप्रेत असून ग्राम शिक्षण समितीच्या सहकार्याने हे मोलाचे कार्य केले जाते.
या विभागामार्फत विद्यार्थ्यांच्या कल्याणासाठी अनेक योजना राबवल्या जातात. यामध्ये जिल्हा क्रिडा स्पर्धा, विज्ञान प्रदर्शनी, गणवेष व लेखन साहित्य, उपस्थिती भत्ता, शालेय पोषण आहार योजना, शिष्यवृत्ती यांचा समावेश आहे. जे विद्यार्थी नियमित शाळेत दाखल होऊ शकत नाहीत, त्यांच्यासाठी महात्मा फुले शिक्षण हमी योजना, वस्ती शाळा इत्यादी विशेष व नाविन्यपूर्ण पर्यायी शिक्षण व्यवस्था या विभागामार्फत केली जाते.
