जिल्हा परिषद अंतर्गत हा अत्यंत महत्वाचा विभाग असून जिल्हा परिषदेच्या कारभारावर वित्तीय नियंत्रण हा विभाग करतो. जि.प.कडील प्रत्यक्ष जमा व खर्च यांचे हिशेब ठेवणे, तसेच जि.प.कर्मचारी यांचे भविष्य निर्वाह निधीचे लेखे ठेवणे, जि.प.कर्मचा-यांची सेवानिवृत्ती वेतन प्रकरणे तसेच जि.प.चे स्वत:चे उत्पन्नाचे अंदाजपत्रक तयार करणे व त्यावर नियंत्रण ठेवणे, तसेच वित्तीय औचित्याचे पालन करणे संबंधी सर्व विभागांना मार्गदर्शन करणे. विभागाचे प्रमुख असलेले मुख्य लेखा व वित्त अधिकारी हे या सर्व बाबींवर प्रामुख्याने नियंत्रण ठेवतात.
जिल्हा परिषदेचे स्वत:चे उत्पन्नाचे अर्थसंकल्प तयार करण्याची जबाबदारी या विभागावर असल्यामुळे, जि.प.चे जमा व खर्चावर नियंत्रण हा विभाग ठेवतो.