आरोग्य विभागा मार्फत ग्रामीण भागातील जनतेच्या आरोग्याशी संबंधित प्रतिबंधात्मक उपाय करणे व प्रजनन बाल आरोग्यांतर्गत स्त्री गर्भवती राहिल्यापासून मुलाचा जन्म झाल्यानंतर त्या व्यक्तीच्या मृत्युपर्यंत विविध वयोगटांमध्ये 50 प्रकारच्या आरोग्य सेवा प्रतिबंधात्मक व उपचारात्मक उपाययोजना करणे तसेच सर्वांगीण आरोग्य पुरविण्याची उपाययोजना जनतेच्या सहभागातून करून अंमलबजावणी करणे.
त्याप्रमाणे शासनाच्या 6 राष्ट्रीय कार्यक्रमांची अंमलबजावणी करणे. यासाठी प्राथमिक आरोग्य केंद्रे, उपकेंद्र, ऍलोपॅथिक दवाखाने, आयुर्वेदिक दवाखाने व आरोग्य पथक यांच्या सहभागाने सर्व नागरिकांना उपचारार्थ सेवा पुरविणे.
राष्ट्रीय कार्यक्रमांतर्गत अंतर्भूत आरोग्याशी संबंधित कुटुंब कल्याण नियंत्रण, हिवताप नियंत्रण, पोलिओ, कुष्ठरोग, माता-बाल संगोपन, नेत्र तपासणी, क्षयरोग नियंत्रण, अंधत्व निवारण, एड्स जनजागृती इत्यादी सेवा आरोग्य कर्मचारी घरोघरी जाऊन पुरवितात.